Ötən il 3000-dən çox sənəd Hüquqi Aktların Dövlət Reyestrinə daxil edilib, milli qanunvericiliyin e-qanun.az vahid elektron resursundan bəhrələnənlərin sayı 50 faiz artaraq 5 milyona çatıb.
Bu barədə Ədliyyə Nazirliyində ötən ilin yekunlarına həsr olunan geniş kollegiya iclasında məlumat verilib.
Qeyd olunub ki, 2023-cü ildə Ədliyyə Nazirliyi tərəfindən 5700-dək hüquqi akt layihəsi hazırlanıb və ya ekspertizadan keçirilib. Bu zaman sui-istifadəyə, hüquqi qeyri-müəyyənliyə yol verilməməsi, habelə insan hüquqlarının təminatı, digər qanunvericilik aktlarına və beynəlxalq hüquqi sənədlərə uyğunluq məsələlərinə xüsusilə diqqət yetirilib.