Kanadanın Makmaster Universitetinin alimləri aşkar ediblər ki, orqanizmin patogenlərə aqressiv immun cavabı nevroloji xəstəliklərin inkişaf səbəbi ola bilər.
Xarici mediaya istinadla xəbər verir ki, tədqiqatın nəticələri “Nature Communications” jurnalında dərc edilib. Elmi cəmiyyətdə belə qəbul olunub ki, Zika və ya COVID-19 kimi kəskin virus infeksiyaları bilavasitə nevroloji xəstəliklərin inkişaf səbəbidir. Nevroloji xəstəliklər mərkəzi və periferik əsəb sistemi orqanlarının (baş-beyin və onurğa beyin) patologiyasıdır. Onların siyahısına ensefalit, meningit, malyariya, Altsheymer xəstəliyi, dağınıq skleroz aiddir.
Tədqiqat zamanı alimlər aşkar ediblər ki, əsəb sistemi komponentlərinin zədələnməsini viruslar özü deyil, immun sisteminin bir hissəsi olan T-hüceyrələrin unikal populyasiyası yaradır.
Tədqiqatçılar diqqətlərini Zika virusunun orqanizmə təsirinin öyrənilməsinə cəmləyiblər. Bu virus “Aedes” növlü ağcaqanadlardan ötürülür və insanlarda qızdırma, səpmə, yorğunluq, baş və əzələ ağrıları əmələ gətirir. Laboratoriya tədqiqatlarının gedişində alimlər aşkar ediblər ki, Zika virusuna yoluxma zamanı orqanizmdə təkcə T-hüceyrələr deyil, həm də sağlamlığı məhv etmək qabiliyyətində olan immun hüceyrələrinin digər növü əmələ gəlir. Onlar NKG2D + CD8 + Т-hüceyrələr adlanır. Onlarla bağlı olan orqanizmin aqressiv immun cavabı sitokinlər adlanan böyük miqdarda iltihablı zülalların yaranmasını ehtimal edir. NKG2D + CD8 + Т-hüceyrələrinin kəskin reaksiyası zamanı xeyli sayda bu cür zülallar əmələ gəlir, nəticədə nevroloji zədələr baş verir. Baş-beyində belə reaksiyaların olması ciddi təhlükə yarada bilər.