Qarşıdan gələn prezident seçkiləri xalqımızın rifahı, gələcək inkişafı üçün görüləcək işlər içərisində ən mühüm bir hadisədir.
Bu sözləri yanvarın 13-də Bakıda “Qastroenterologiya və Hepatologiya sahəsində müasir klinik tövsiyələr” adlı keçirilən elmi-praktik konfransda Dövlət Gömrük Komitəsi Tibbi Xidmət İdarəsinin Elmi-Təcrübi və Tədris Mərkəzinin rəisi, əməkdar həkim, tibb elmləri doktoru Rəşad Mahmudov çıxışı edərkən söyləyib.
“2024-cü ilin ölkəmiz üçün uğurlu bir il olmasını arzulayıram. İnanıram ki, hər bir azərbaycanlı bizə qürur hissi yaşadan, adını Azərbaycan tarixinə qızıl hərflərlə yazdıran öz Prezidentinə dəstək nümayiş etdirəcək”, - deyə o, əlavə edib.