Neokolonializm bütün bəşəriyyətin inkişafı üçün maneəyə çevrilib.
Bu fikirlər Rusiya Prezidenti Vladimir Putinin Moskvada “Millətlərin azadlığı uğrunda!” beynəlxalq forumun iştirakçılarına ünvanlandığı müraciətdə deyilir.
“Bu, Afrika, Asiya, Latın Amerikası xalqlarının əsrlər boyu talanması və istismarının biabırçı mirasıdır. Onun təcavüzkar təzahürləri bu gün Qərbin kollektiv şəkildə öz hökmranlığını və üstün olmasını hər cür vasitələrlə qoruyub saxlamaq, iqtisadi cəhətdən başqa ölkələri özünə tabe etmək, onları suverenlikdən məhrum etmək, özgə dəyərləri və mədəni ənənələri zorla qəbul etdirmək cəhdlərində görünür. Bu cür siyasət beynəlxalq münasibətlərdə sabitliyi pozan əsas amillərdən birinə, bütün bəşəriyyətin inkişafı yolunda maneəyə çevrilib”, - deyə Vladimir Putin müraciətində qeyd edib.