Sabunçu Rayon Polis İdarəsinin (CAŞ) əməkdaşları tərəfindən həyata keçirilən növbəti əməliyyat zamanı narkotiklərin qanunsuz dövriyyəsi ilə məşğul olan 1980-cı il təvəllüdlü Altay Ağaəliyev saxlanılıb.
Daxili İşlər Nazirliyinin mətbuat xidmətindən verilən məlumata görə, həmin şəxsdən 4 kiloqram narkotik vasitə olan heroin aşkar olunub.
Saxlanılan şəxs heroini ölkəyə idarə etdiyi iritonnajlı yük maşınında (TIR) ayrı-ayrı ünvanlara çatdırıb pul qazanmaq məqsədilə gətirdiyini bildirib. A.Ağaəliyev barəsində araşdırmalar davam etdirilir.
Həmçinin Sabunçu Rayon Polis İdarəsinin əməkdaşları tərəfindən son günlər aparılan profilaktik tədbirlər zamanı daha 6 ədəd müvafiq sənədləri olmayan silah vətəndaşlar tərəfindən könüllü olaraq polisə təhvil verilib.