Biləsuvar rayonunda baş vermiş ağır yol qəzasında ölənlərin şəxsiyyəti məlum olub YENİLƏNİB 2
Biləsuvar rayonunda baş vermiş ağır yol qəzasında ölən 5 nəfərin şəxsiyyəti müəyyən olunub.
Hadisə nəticəsində sürücü — 2003-cü il təvəllüdlü Vasif Həsənli, sərnişinlər — 2001-ci il təvəllüdlü Rusif Həsənli, 1990-cı il təvəllüdlü İldırım Həsənli, 2000-ci il təvəllüdlü Məhəmməd Məmmədli və 2007-ci il təvəllüdlü Əliqardaş Rəsulzadə həyatını itirib.
Daxili İşlər Nazirliyinin mətbuat xidmətinin Lənkəran regional qrupundan sorğuya cavab olaraq bildirilib ki, dekabrın 7-də saat 02 radələrində Biləsuvar rayonunun Zəhmətabad kəndi ərazisində ölümlə nəticələnən yol nəqliyyat hadisəsi baş verib.
Məlumata görə, V. Həsənlinin idarə etdiyi “Lexus” markalı minik avtomobili idarəetmənin itirilməsi nəticəsində yolun kənarından keçən su kanalına aşıb. Nəticədə sürücü və avtomobildə olan 4 nəfər sərnişin ölüb.
Araşdırma aparılır.
Biləsuvar rayonunda ağır və faciəvi yol qəzası baş verib. Hadisə axşam saatlarında rayonun Zəhmətabad kəndi ərazisində qeydə alınıb.
Lexus” markalı minik avtomobili sürücünün idarəetməni itirməsi nəticəsində yolun kənarındakı su kanalına aşıb. Güclü zərbə və avtomobilin qısa müddətdə suya qərq olması səbəbindən maşında olan beş nəfər kanalda boğulub.
Faktla bağlı araşdırma aparılır.
