Azərbaycan Dövlət İnformasiya Agentliyi
REGİONLAR
05.02.2024 [16:06]
Qubada baş verən qəzada yaralananlardan biri xəstəxanada ölüb.
Qusar-Quba avtomobil yolunun 4-cü kilometrliyində baş verən qəzada yaralanan 5 nəfərdən biri xəstəxanada ölüb.
Həkimlərin səyinə baxmayaraq, Quba rayonunun Alpan kənd sakini 70 yaşlı Nazif Əliyevin həyatını xilas etmək mümkün olmayıb.
Qusar-Quba avtomobil yolunun 4-cü kilometrliyində baş verən qəzada 5 nəfər yaralanıb.
Yolun Quba rayonu ərazisindən keçən hissəsində Rüstəm Rüstəmov və Qahir Süleymanovun idarə etdiyi “Opel” və “VAZ 2109” markalı avtomobillər toqquşub.
Qəza zamanı avtomobillərdə olan Zülfüqarov Elzamin Seyfulla oğlu, Balayev Nurlan Cavanşir oğlu, Əlixanov Elnur Ərəstun oğlu, Əliyev Nazif Nəriman oğlu və Süleymanov Qahir Asəf oğlu xəsarət alıblar.
Yaralılar Qusar Rayon Mərkəzi Xəstəxanasına yerləşdiriliblər.
Toqquşma nəticəsində minik maşınında sıxılmış vəziyyətdə qalan sərnişin Fövqəladə Hallar Nazirliyinin Dövlət Yanğından Mühafizə Xidmətinin müvafiq xilasetmə qüvvələri tərəfindən xilas edilib.
Faktla bağlı araşdırma aparılır.