Oğuzdakı qəzada yaralanan ikinci qadın da vəfat edib
Sentyabrın 6-da Oğuzun Kərimli kəndi ərazisində ölümlə nəticələnən yol qəzasında bir qadın hadisə yerində ölmüş, digəri ağır bədən xəsarətləri alaraq xəstəxanaya yerləşdirilmişdi.
Qəbələ Rayon Mərkəzi Xəstəxanasına istinadən bildirir ki, Qaraməryəm-İsmayıllı-Şəki avtomobil yolunun Oğuzun Kərimli kəndi ərazisindən keçən hissəsində baş verən ağır yol-nəqliyyat hadisəsi zamanı ağır yaralanan Ağdam rayon sakini, 33 yaşlı Aygün Quliyeva həkimlərin səylərinə baxmayaraq vəfat edib.
Xatırladaq ki, “Nissan” markalı avtomobilin yoldan çıxaraq aşması nəticəsində Sumqayıt şəhər sakini, 31 yaşlı Arifə Səlimova aldığı ağır xəsarətlərdən hadisə yerində ölmüşdü.
Baş vermiş yol-nəqliyyat hadisəsi ilə bağlı cinayət işi başlanıb, istintaq aparılır.
