Bakı, 1 dekabr.

Misli Premyer Liqasının XV turunda üz-üzə gələn "Neftçi" və "Qarabağ" komandaları arasında derbi oyunu başa çatıb.
"Neftçi Arena"da keçirilən görüş Ağdam klubunun 3:0 hesablı qələbəsi ilə yekunlaşıb.

"Qarabağ"ın heyətində qolları Leandro Andrade (2 qol) və Nəriman Axundzadə vurublar.

Bu nəticədən sonra xallarını 37-yə çatdıran "Qarabağ" turnir cədvəlində liderliyə yüksəlib. "Neftçi" isə 13 xalla 8-ci sırada qalıb.

Qeyd edək ki, turun əvvəlki oyunlarında “Araz-Naxçıvan” “Turan Tovuz”a, “Sabah” “Səbail”ə, “Kəpəz” “Şamaxı”ya 1:0, “Zirə” isə “Sumqayıt”a 4:1 hesabı ilə qalib gəlib.

20:30

Misli Premyer Liqasının XV turunda "Neftçi" və "Qarabağ" komandaları arasında derbi oyununda üçüncü qol vurulub.
"Neftçi Arena"da keçirilən görüşün 55-ci dəqiqəsində Ağdam klubunun heyətində Leandro Andrade dubl edib.

Qarşılaşmanı FIFA referisi Əliyar Ağayev idarə edir.

20:19

Misli Premyer Liqasının XV turunda "Neftçi" və "Qarabağ" komandaları arasında derbi oyununda ikinci qol vurulub.

"Neftçi Arena"da keçirilən görüşün 53-cü dəqiqəsində Ağdam klubunun heyətində Nəriman Axundzadə fərqlənib.

Qarşılaşmanı FIFA referisi Əliyar Ağayev idarə edir.

20:07

Misli Premyer Liqasının XV turunda "Neftçi" və "Qarabağ" komandaları arasında derbi oyununda ikinci hissə başlayıb.
"Neftçi Arena"da keçirilən görüşün ilk yarısından sonra Ağdam klubu 1:0 hesabı ilə qalib gəlir.

Qarşılaşmanı FIFA referisi Əliyar Ağayev idarə edir.

19:51

Misli Premyer Liqasının XV turunda "Neftçi" və "Qarabağ" komandaları arasında derbi oyununda birinci hissə başa çatıb.

Ağdam təmsilçisi "Neftçi Arena"da keçirilən görüşün fəsiləsinə 1:0 hesablı üstünlüklə yollanıb.

Qarşılaşmanı FIFA referisi Əliyar Ağayev idarə edir.

19:34

Misli Premyer Liqasının XV turunda "Neftçi" və "Qarabağ" komandaları arasında derbi oyununda hesab açılıb.
"Neftçi Arena"da keçirilən görüşün 27-ci dəqiqəsində Ağdam klubunun heyətində Leandro Andrade fərqlənib.

Qarşılaşmanı FIFA referisi Əliyar Ağayev idarə edir.

19:01

Misli Premyer Liqasının XV turunda "Neftçi" və "Qarabağ" komandaları arasında derbi oyunu başlayıb. "Neftçi Arena"da keçirilən görüş saat 19:00-da start götürüb.

Qarşılaşmanı FIFA referisi Əliyar Ağayev idarə edir.