Bakının bəzi ərazilərində su təchizatında müvəqqəti fasilə yaranacaq
Su xəttinin üzərində qəzalı vəziyyətdə olan siyirtmənin yenisi ilə əvəz olunması ilə əlaqədar Bakı şəhərinin Nərimanov, Nəsimi, Yasamal və Binəqədi rayonlarının bəzi ərazilərində suyun verilməsində müvəqqəti fasilə yaranacaq.
Azərbaycan Dövlət Su Ehtiyatları Agentliyindən (ADSEA) bildirilib ki, təmir-bərpa işləri iyulun 3-ü günorta saatlarınadək davam edəcək. Bu müddət ərzində qeyd olunan rayonların bir sıra yaşayış massivləri və ünvanlarında su təchizatında məhdudiyyətlər müşahidə olunacaq.
Aidiyyəti qurumlar işlərin yekunlaşdırılmasından sonra su təchizatının mərhələli şəkildə bərpa ediləcəyi bildirilib.
