2020-ci ilin iyul və avqust aylarında onlarla azərbaycanlı ABŞ, İngiltərə, Rusiya, Ukrayna, Belçikada erməniəsilli tələbələr tərəfindən xüsusi amansızlıqla döyülüb, həmçinin psixoloji təzyiqlərə məruz qalıb. Dinc şəkildə yalnız Azərbaycan bayraqları ilə sakit yürüşlər edən
azərbaycanlılara qarşı edilən təzyiqə və hətta ölümlə təhdidə dair kifayət qədər material mövcuddur.
AZƏRTAC xəbər verir ki, bu sözləri Azərbaycan Respublikasının İnsan hüquqları üzrə müvəkkili (ombudsman) Səbinə Əliyeva "Azərbaycanlılara qarşı nifrət cinayətləri və nifrət nitqi" hesabatının təqdimatı ilə bağlı keçirilən konfransda söyləyib.
Onun sözlərinə görə, Azərbaycanın 2020-ci il Tovuz hadisələri zamanı şəhid olmuş hərbçilərinin fotolarına və Dövlət Bayrağına qarşı təhqiredici hərəkətlərin edilməsi qeydə alınıb.