Azərbaycan Respublikasının Belçika Krallığındakı Səfirliyinin və "Azərbaycanlı Tələbələr və Məzunlar Platforması" İctimai Birliyinin (ASAP) təşəbbüsü ilə Brüssel şəhərində Ümummilli Lider Heydər Əliyevin doğum gününə həsr olunmuş tədbir keçirilib.
Tədbirdə çıxış edən Azərbaycan Respublikasının Belçikadakı Səfirliyinin əməkdaşı Tamerlan Babayev müstəqil dövlətçilik salnaməmizdə silinməz izlər qoymuş Ulu Öndər Heydər Əliyevin xilaskarlıq missiyasından danışıb.
Tədbir zamanı Belçikada təhsil alan azərbaycanlı gənclərlə birlikdə Heydər Əliyevin uzaqgörən siyasəti, dövlətçilik irsi və gənclərin inkişafı üçün gördüyü işləri müzakirə edilib, Heydər Əliyevin həyat və fəaliyyətini əks etdirən film nümayiş olunub.
ASAP nümayəndələri təşkilatın yeni layihələri və şəbəkələşmənin təmin olunması istiqamətində fəaliyyətlə bağlı məlumat verdilər.