Eşqi Bağırov: Növbəti tədris ilindən “Rəqəmsal məktəb” platforması daha 5 şəhərdə tam tətbiq olunacaq
Yeni tədris ilində 5 şəhər məktəbində kağız jurnal ləğv ediləcək.
Növbəti tədris ilindən “Rəqəmsal məktəb” platforması daha 5 şəhərdə tam tətbiq olunacaq.
Bunu Məktəbəqədər və Ümumi Təhsil üzrə Dövlət Agentliyinin direktoru Eşqi Bağırov aprelin 28-də keçirilən brifinqdə deyib. O bildirib ki, Gəncə, Mingəçevir, Sumqayıt, Abşeron və Naxçıvan şəhərlərində kağız jurnal ləğv ediləcək: “Daha 199 təhsil müəssisəsi, 235 min şagird və 17 min pedaqoji heyət “Rəqəmsal məktəb” platformasından istifadə edə biləcək”.
