Milli Məclis məcburi icra üzrə məlumat mübadiləsi sazişini təsdiqləyib
Azərbaycan parlamenti “Məhkəmə aktlarının, digər səlahiyyətli orqanların və vəzifəli şəxslərin aktlarının məcburi icrası həyata keçirilərkən məlumat mübadiləsi üzrə əməkdaşlıq haqqında Saziş”i təsdiqləyib.
Bu məsələ Milli Məclisin mayın 1-də keçirilən plenar iclasında müzakirəyə çıxarılıb.
Sənəd Müstəqil Dövlətlər Birliyinin iştirakçısı olan dövlətlərin müvafiq strukturları və orqanları arasında əməkdaşlığın genişləndirilməsi, sənəd mübadiləsinin gücləndirilməsi və hüquqi aktların qanunvericilik çərçivəsində səmərəli şəkildə həyata keçirilməsinin təmin edilməsi məqsədini daşıyır.
