Bakı, 8 iyun.

Sosial şəbəkələrdə uşaqlar virtual həyata qovuşur. Ən ciddi problem odur. Real həyatdan çəkinir.

Bunu İnsan hüquqları, Ailə qadın və uşaq məsələləri və Hüquq siyasəti və dövlət quruculuğu komitələrinin birgə iclasında İnzibati Xətalar Məcəlləsində, “İnformasiya, informasiyalaşdırma və informasiyanın mühafizəsi haqqında” və “Uşaqların zərərli informasiyadan qorunması haqqında” qanunlarda dəyişiklik edilməsi barədə qanun layihəsinin müzakirəsində səhiyyə nazirinin müavini İlqar Qasımov deyib.

Nazir müavini qeyd edib ki, sosial şəbəkələrdə uşaqlara qadağa qoymaqla yanaşı, onlar üçün alternativ məşğuliyyət tapılmalıdır. Burada valideynlərin rolu önəmlidir. Düzdür, dövlətin də öhdəlikləri var. Amma valideyn nümunə olmalıdır.