Bakı, 20 iyul.

Təsviri sənət istiqaməti üzrə 10 (rəngkarlıq), 11 (qrafika) və 12-ci (heykəltaraşlıq) qabiliyyət imtahanı komissiyaları üzrə II imtahanların nəticələri ilə bağlı abituriyentlərin müraciətlərinə baxılacaq.

Bu barədə Dövlət İmtahan Mərkəzindən məlumat verilib. Bildirilib ki, Azərbaycan Rəssamlıq Akademiyasında iyulun 21-23-də keçiriləcək qabiliyyət imtahanlarının nəticələri ilə bağlı Apellyasiya komissiyasının iclası iyulun 23-də təşkil olunacaq.

Apellyasiya komissiyası saat 09:00-dan 17:00-dək fəaliyyət göstərəcək.

Nəticələrdən narazı qalan abituriyentlər şəxsiyyəti təsdiq edən sənədin əsli və imtahana buraxılış vərəqəsi ilə birlikdə şəxsən müraciət edərək ərizə yazmalıdırlar. Müraciətlərə yerində baxılacaq.