Babək rayonunun Şıxmahmud kəndində şəhidlərimizin əziz xatirəsinə Şəhidlər bulaq abidə kompleksi tikilir.
Naxçıvan Muxtar Respublikası Meliorasiya və Su Təsərrüfatı Açıq Səhmdar Cəmiyyətinin mətbuat xidmətindən Naxçıvan bürosuna bildirilib ki, Babək Rayon Meliorasiya və Su Təsərrüfatı İdarəsi tərəfindən bulaq abidə kompleksinin su təminatının yaxşılaşdırılması üçün müvafiq işlər görülüb. Belə ki, idarə tərəfindən əraziyə texnikalar cəlb edilib. İdarə əməkdaşlarının və texnikaların köməyi ilə kompleksin yaxınlığından keçən dəmir boru çıxarılaraq kənarlaşdırılıb. Həmin borunun yerinə diametri 300 millimetr olan 16 metr uzunluğunda boru salınıb. Borunun ətrafı hamarlanaraq düzəldilib. Həmçinin bulaq abidə kompleksinə yeni içməli su xətti çəkilib.