Bakı, 9 avqust.
Türkiyənin Eskişehir Texniki Universiteti “Erasmus KA171” beynəlxalq müəllim-tələbə mübadilə proqramı çərçivəsində kimya mühəndisliyi ixtisası üzrə 2024/2025-ci tədris ilinin payız semestri üçün tələbə (bakalavr, magistr və doktorant) qəbulu elan edir.
Bu barədə universitetdən məlumat verilib.
Tələbələr CV, motivasiya məktubu, transkript sənədlərini avqustun 27-dək təqdim etməlidirlər.
Müraciət etmək istəyən tələbələrdən müvafiq blankı doldurmaq xahiş olunur.
Əlavə məlumat üçün erasmus@bsu.edu.az elektron ünvanına müraciət etmək olar.