Bakı, 18 oktyabr.
Milli Məclisdə “Azərbaycan Respublikasının Silahlı Qüvvələri haqqında” Qanunda dəyişiklik edilməsi barədə qanun layihəsi birinci oxunuşda təsdiqlənib.
Bu məsələ parlamentin oktyabrın 18-də keçirilən plenar iclasının gündəliyinə daxil edilib.
Qanun layihəsinə əsasən, “Azərbaycan Respublikasının Silahlı Qüvvələri haqqında” Qanunun tətbiqi barədə Prezidentin Fərmanının 3.2-ci bəndinə əsasən bu Qanunun 9.6-cı maddəsinin mövcud redaksiyasında nəzərdə tutulan Azərbaycan Ordusunun və başqa silahlı birləşmələrin hər biri üçün ayrılıqda müvafiq vasitələrlə təmin edilməsi qaydası və təminat norması müəyyən olunmayacaq, yeni redaksiyaya əsasən onlar üçün ümumi qayda müəyyən ediləcək.