Paytaxt məktəblərində laborantların işə qəbulu üçün qeydiyyat müddəti uzadılıb
Bakı Şəhəri üzrə Təhsil İdarəsinin (BŞTİ) tabeliyindəki ümumi təhsil müəssisələrində laborant vəzifəsinə işə qəbul üzrə müsabiqəyə müraciətlərin çoxluğu nəzərə alınaraq qeydiyyat müddəti uzadılıb.
BŞTİ-den bildirilib ki, müraciət etmək istəyən şəxslər aprelin 11-i saat 15:00-dək qeydiyyatdan keçə bilərlər.
Qeyd edək ki, BŞTİ-nin rəsmi saytında martın 18-də laborant vəzifəsinə işə qəbul müsabiqəsinə dair təqdim olunan link vasitəsilə qeydiyyatdan keçən şəxslərin yenidən müraciət etməsinə ehtiyac yoxdur.
Namizədlər müsabiqəyə dair məlumatla buradan tanış ola bilər.
