Bakı, 26 noyabr.

Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin İnsan Alveri Qurbanlarına Yardım Mərkəzinin təşkilatçılığı ilə Azərbaycan İlahiyyat İnstitutunda "İnsan alveri qurbanlarına dəstək: ailənin və milli-mənəvi dəyərlərin rolu" mövzusunda dəyirmi masa keçirilib.

Agentliyin İctimaiyyətlə əlaqələr və kommunikasiya şöbəsindən verilən məlumata görə, dəyirmi masada Azərbaycan İlahiyyat İnstitutunun tələbələri, əməkdaşları və ilahiyyatçılar iştirak ediblər.

Agentliyin əməkdaşları mərkəzin fəaliyyəti, eləcə də insan alveri qurbanlarına göstərilən dəstək mexanizmləri, ailənin və milli-mənəvi dəyərlərin həmin prosesdəki rolu barədə məlumat veriblər.

İştirakçılarla dəstək mexanizmlərinin təkmilləşdirilməsi, reabilitasiya xidmətlərinin genişləndirilməsi və bu sahədə ictimai məlumatlılığın artırılması sahəsində fikir mübadiləsi aparılıb. Eləcə də onların mövzu ilə bağlı sualları cavablandırılıb.