[center][/centerBakı, 1 sentyabr.

İran İslam Respublikasının keçmiş Prezidenti Seyid İbrahim Rəisinin, xarici işlər naziri Hüseyn Əmir Abdullahian və onları müşayiət edən digər şəxslərin olduğu helikopterin qəzaya uğramasının səbəbi açıqlanıb.

Bu barədə İran Silahlı Qüvvələri Baş Qərargahının yekun hesabatında bildirilib.

Vurğulanıb ki, helikopterin qəzaya uğramasına əsas səbəb əlverişsiz hava şəraiti olub.

“Helikopterin qəzaya uğramasının əsas səbəbi regionda yaz mövsümünə xarakterik olan mürəkkəb iqlim şəraiti və qatı dumanın yaranması göstərilir. Nəticədə helikopter dağa çırpılıb”, - hesabatda qeyd edilib.

Qeyd edək ki, İran Prezidenti İbrahim Rəisinin olduğu helikopterin qəzaya uğraması nəticəsində 8 nəfər həyatını itirib. Helikopterin göyərtəsində xarici işlər naziri Hüseyin Əmir Abdullahian, Şərqi Azərbaycan əyalətinin qubernatoru Malik Rahmati və Təbriz şəhərinin cümə imamı Məhəmməd Ali əl-Haşim və İslam İnqilabı Keşikçiləri Korpusunun generalı Mehdi Musəvi də olub.