Rayonun Mahmudkənd kənd sakini 2005-ci il təvəllüdlü Soltanov Bəxtiyar İslam oğlu Şahbuz rayonunun Kükü kəndində yerləşən Qanlıgöl ərazisi ətrafında minaya düşüb.
Kənd sakini ərazidə heyvan otarırmış.
Baş Prokurorluq hadisə ilə bağlı məlumat yayıb.
Bildirilib ki, avqustun 11-də Naxçıvan Muxtar Respublikasının Şahbuz rayonunun Ermənistanla təmas xətti olmuş və minalardan təmizlənməmiş "Qanlıgöl" yaylağı adlanan ərazisində mina partlayışı hadisəsi baş verib.
Hadisə nəticəsində 2005-ci il təvəllüdlü Şərur rayon sakini Bəxtiyar Sultanov müxtəlif dərəcəli xəsarətlər alıb. O, dərhal xəstəxanaya çatdırılaraq zəruri tibbi yardımlar göstərilib, hazırda vəziyyəti ağır olaraq qalır.
Şahbuz Rayon Prokurorluğunun əməkdaşları tərəfindən prokuror-kriminalist və Azərbaycan Ordusunun mühəndis-istehkam bölmələrinin iştirakı ilə hadisə yeri müayinə olunub və digər zəruri prosessual hərəkətlər icra edilib.
Faktla bağlı Şahbuz Rayon Prokurorluğunda araşdırma aparılır.