Azərbaycan Dövlət İnformasiya Agentliyi
İQTİSADİYYAT
® Doğma diyarlara həyat qayıdır - “Aghdam Residence”
19.12.2024 [13:08]
İşğaldan azad edilmiş doğma torpaqlara həyat yenidən qayıdır. “Qarabağın qapısı” adlandırılan Ağdamın mərkəzində inşa edilmiş ilk yaşayış kompleksinin davamı olaraq yeni yaşayış kompleksinin tikintisinə start verilib. Müasir memarlıq, əlverişli yerləşmə, rahat mənzillər, yüksək infrastruktur Qarabağın parlaq gələcəyinə yatırım imkanı yaradır.

Yenidən bərpa edilərək Azərbaycanın ən gözəl şəhərlərindən biri, Qarabağın isə incisinə çevriləcək Ağdamda yerləşən bu yaşayış kompleksi geniş infrastruktur, zövqlə dekorasiya olunmuş evlərlə həyat keyfiyyətinizi artıraraq əvəzolunmaz rahatlıq bəxş edəcək. Tikinti sektorunun ən sonuncu həllərini, zamanın sınağına tab gətirən layihələri təqdim etmək üçün innovativ alətlər və metodologiyalardan istifadə edən, həmçinin infrastruktur olaraq da sakinlərinin ehtiyaclarını uzağa getmədən bir kompleksdə toplayan “Aghdam Residence” şəhərin mərkəzi yolları üzərində, Pənahəli xanın imarəti və Bayraq meydanının yaxınlığında yerləşir.

Modern standartlara cavab verən “Business class” yaşayış kompleksi 30 ədəd 1 otaq studio tipli, 60 ədəd 2 otaqlı, 20 ədəd 3 otaqlı və 10 ədəd 4 otaqlı olmaqla, ümumilikdə 120 mənzildən ibarətdir. Əlavə olaraq 20 ədəd kommersiya, 54 ədəd üstüqapalı parkinq sahəsi nəzərdə tutulub.

Qeyd edək ki, “Aghdam Residence” Azərbaycanın ən böyük daşınmaz əmlak şirkətlərindən biri olan “PMD Group” şirkətlərinə məxsus layihədir. Korporativ sosial məsuliyyəti yüksək tutan, öz köklü təcrübəsi ilə seçilən “PMD Group” Ağdamın mərkəzində salınan ilk yaşayış mərkəzini yaratmaqla vətənimizə və xalqımıza xidmət edir. Bu yaşayış kompleksi Qarabağın və bilavasitə Ağdam şəhərinin yenidən qurulması, abadlaşdırılması və inkişafının təmin olunması istiqamətində atılan ilk addımlardandır.

Xatırladaq ki, “Aghdam Residence” işğaldan azad olunmuş torpaqlarda qurulan ilk müasir yaşayış komplekslərindən biridir.

Layihə haqqında ətraflı məlumat əldə etmək üçün *5775 nömrəsi ilə əlaqə saxlaya bilərsiniz.

https://aghdamresidence.az

https://www.instagram.com/aghdam.residence/