Tütün istifadəsinin məhdudlaşdırılması ilə bağlı qanunvericiliyin təkmilləşdirilməsi mühüm məsələdir. Tütünçəkmə ilə bağlı məhdudlaşma mütləq olmalıdır. Çünki hazırda orta məktəblərdə də şagirdlərin tütündən istifadə halları aşkarlanır.
Bu barədə Milli Məclisin Əmək və sosial siyasət komitəsinin sədri Musa Quliyev yanvarın 18-də komitənin cari ilin yaz sessiyasında keçirilən ilk iclasında deyib.
Komitə sədri uşaq və gənclərin tütündən istifadə etmələrinin qarşısının alınması istiqamətində müəyyən işlərin görülməsinin vacibliyini qeyd edib.