Tam (11 illik) orta təhsil səviyyəsi üzrə martın 3-də keçirilmiş buraxılış imtahanında 300 bal toplamaqla ən yüksək nəticəni göstərən abituriyentlərdən biri də Bakı şəhəri 146 nömrəli tam orta məktəbin şagirdi Fatimə Qasımovadır.
Təəssüratlarını bölüşən Fatimə Qasımova I ixtisas qrupu üzrə kimya mühəndisliyi ixtisasına hazırlaşır:
“Universitetə 9-cu sinifdən hazırlaşmağa başlamışam. Aşağı siniflərdə özüm hazırlaşmağa çalışırdım. 300 bal toplamağın sevinci ilə maksimal 700 balı hədəfləmişəm. Bakı Ali Neft Məktəbində təhsil almaq istəyirəm. Fənlər arasında fizika, kimya, riyaziyyatı daha çox sevsəm də, digər dərsləri də yaxşı oxumuşam. 9-cu sinfədək dərslərə davamiyyətim yaxşı olub. Yalnız son illərdə digər abituriyentlər kimi ali məktəbə hazırlığa daha çox vaxt ayırmağa başladım”.
Fatimə Qasımova hazırda respublika fənn olimpiadalarında fizika üzrə finalçılar sırasındadır.
Xatırladaq ki, tam (11 illik) orta təhsil səviyyəsi üzrə martın 3-də keçirilmiş keçirilən buraxılış imtahanında 14 nəfər 300 bal toplamaqla ən yüksək nəticəni göstərib.