XII Respublika uşaq yaradıcılıq müsabiqəsinin qaliblərinin mükafatlandırılma mərasimi keçirilir
Fövqəladə Hallar Nazirliyinin, (FHN) Elm və Təhsil Nazirliyinin birgə təşkilatçılığı ilə “Fövqəladə hallar uşaqların gözü ilə” XIl Respublika uşaq yaradıcılıq müsabiqəsinin qaliblərinin mükafatlandırılma mərasimi keçirilir.
Müsabiqənin keçirilməsində məqsəd ictimaiyyətin diqqətini fövqəladə hallarla bağlı problemlərə yönəltmək, məktəblilərə təhlükəsiz həyat fəaliyyəti mədəniyyətinin aşılanması, onların vətənpərvərlik ruhunda yetişdirilməsi, eləcə də istedadlı uşaqların üzə çıxarılması və onlara dəstək verilməsidir.
Əvvəlcə, tədbir iştirakçıları Ulu Öndər Heydər Əliyevin abidəsi önünə gül dəstələri qoyub, Ümummilli Liderin əziz xatirəsini dərin ehtiramla anıblar.
Heydər Əliyev Mərkəzi ilə tanışlıqdan sonra “Fövqəladə hallar uşaqların gözü ilə” XII Respublika uşaq yaradıcılıq müsabiqəsinin seçilmiş işlərindən təşkil edilmiş sərgiyə baxış olub.
