Binəqədidə yaşlı qadın gölməçədə öldüÖtən gündən etibarən paytaxta yağan intensiv yağış bədbəxt hadisəyə səbəb olub.
İntensiv yağış səbəbindən Binəqədi Rayon Polis İdarəsinin Dövlət Yol Polisi Şöbəsinin qarşısındakı kanalizasiya xətti daşıb.
Nəticədə ərazidə böyük gölməçə meydana gəlib.
Hadisə şahidlərinin sözlərinə görə, yaranan vəziyyətdən narahatlıq duyan 79 yaşlı qadın küçəyə çıxarkən infarkt keçirib və gölməçəyə yıxılıb. Hadisə yerinə təcili tibbi yardım çağırılsa da, qadının həyatını xilas etmək mümkün olmayıb.