Bakı, 2 mart.

“Tibbi sığorta haqqında” Qanuna dəyişiklik Azərbaycan Respublikası Prezidenti tərəfindən təsdiqlənib.

İcbari Tibbi Sığorta üzrə Dövlət Agentliyindən sorğuya cavab olaraq bildirilib ki, dəyişikliyə əsasən, sığortaolunanların ilkin tibbi-sanitariya yardımına (poliklinika, Ailə Sağlamlıq Mərkəzi, tibb və həkim məntəqələri) müraciət etmədən birbaşa ixtisaslaşdırılmış həkim müayinəsinə getdikdə ödəməli olduqları müştərək maliyyələşmə məbləğinin tətbiqi 2027-ci il yanvarın 1-dək uzadılıb.