Aprelin 14-də saat 14 radələrində yetkinlik yaşına çatmayan 2 nəfər İmişli şəhərinin T.İsmayılov küçəsi ərazisindəki tikilinin üzərindən keçən hava elektrik xəttinə toxunduğuna görə elektrik cərəyanı vurması nəticəsində ölüblər.
Bu barədə Baş Prokurorluğun mətbuat xidmətindən məlumat veriblər.
Faktla bağlı rayon prokurorluğunda Cinayət Məcəlləsinin 314.3-cü (iki və daha çox şəxsin ölümünə səbəb olan səhlənkarlıq) maddəsi ilə cinayət işi başlanılaraq ibtidai istintaq aparılır.