Həsrət Cəfərov: İşğaldan azad olunmuş ərazidə Prezidentin bizi mükafatlandırması olduqca qürurverici idi
Bu sözləri “İlin ən yaxşı üçüncü idmançısı” seçilmiş yunan-Roma güləşi üzrə Azərbaycan millisinin üzvü Həsrət Cəfərov Gənclər və İdman Nazirliyinin təşkilatçılığı ilə keçirilən mərasimdə jurnalistlərə açıqlamasında deyib.
Gənc güləşi ölkə başçısı tərəfindən mükafatlandırıldığı üçün xoşbəxt olduğunu bildirib: “Prezident İlham Əliyev hər zaman idmançılara qayğı göstərir, mükafatlar təqdim edir. Bizə də dövlət başçımız mənzil hədiyyə etdi. Buna görə təşəkkür edirəm".
O, işğaldan azad olunmuş ərazilərə səfər etməyin qürurverici hiss olduğunu söyləyib: “İlk dəfə olaraq Qarabağ bölgəsinə səfər edirdim. Ora ayaq basanda insan qəribə hisslər keçirir. Çünki şəhidlərimizin sayəsində həmin torpaqlar bizə qayıtdı”.
H.Cəfərov "Paris-2024" Yay Olimpiya Oyunlarında ona olan ümidləri doğrultmağa çalışacağını vurğulayıb: “Daha çox çalışıram ki, Olimpiadada yaxşı nəticə qazanım. Yarışdan əvvəl danışmaq istəmirəm. İnanıram ki, ən yaxşısı və düşərlisi olar
