“Yenikənd” Su Elektrik Stansiyasında istismara verildiyi tarixdən bu günədək 6,8 milyard kilovat-saat elektrik enerjisi istehsal olunub.
Energetika Nazirliyinə istinadla xəbər verilir ki, stansiyada elektrik enerjisi istehsalı 2023-cü ildə 251,8 milyon kilovat-saat, cari ilin ilk 4 ayı ərzində isə 106,7 milyon kilovat-saat təşkil edib.
Xatırladaq ki, Şəmkir rayonunun Qaracəmilli kəndində yerləşən bu stansiya 24 il əvvəl - 2000-ci il mayın 23-də işə salınıb. Ümumi gücü 150 meqavat olan stansiya hər biri 37,5 meqavat gücündə 4 hidroaqreqatdan ibarətdir.