COP29: Pan-Afrika İqlim Ədalət Alyansının konfransında qitənin tələbləri qətiyyətlə səsləndirilib
COP29 çərçivəsində Afrika vətəndaş cəmiyyəti Pan-Afrika İqlim Ədalət Alyansının (PACJA) konfransı keçirilib.
Konfransda Afrikanın müxtəlif ölkələrinin məsul şəxsləri dünya liderlərini Afrikanın təcili ehtiyac duyduğu iqlim fəaliyyətini həyata keçirməyə çağırıblar. İqlim dəyişikliyinin təsirlərinin gücləndiyi və qlobal reaksiyaların zəif olduğu indiki məqamda bu böhranın miqyasını və qitə əhalisinin üzləşdiyi problemin mövcud təhlükəsinə konkret həll yolları tələb ediblər.
Natiqlər bildiriblər ki, Afrika hər gün şiddətli quraqlıqlar və dağıdıcı daşqınlardan tutmuş məhsulun azalmasına və milyonlarla insanın didərgin düşməsinə qədər iqlim dəyişikliyinin dağıdıcı təsirləri ilə üzləşir. Bu təhdidlər qitə üçün yeni deyil, lakin intensivliyi və tezliyi artır, həssas bölgələri bütün icmaların sağ qalmasına təhlükə yaradan iqlim dəyişikliyinin ön cəbhəsinə çevirir. Qeyd edilib ki, tarixi emissiyaların ən böyük payına cavabdeh olan zəngin ölkələr əhəmiyyətli tədbirlərin həyata keçirilməsini dəfələrlə gecikdirib və dəstək vədlərini yerinə yetirə bilməyiblər. Maliyyə öhdəlikləri qeyri-müəyyən və ya şərti xarakter daşıyır, karbon emissiyalarının azaldılması ilə bağlı öhdəliklər isə istiləşməni məhdudlaşdırmaq üçün lazım olan cəsarətli hədəflərdən məhrumdur. Böyük dövlətlərin hərəkətsizliyi qəbuledilməzdir, çünki nəticələri xüsusilə Afrika üçün fəlakətli olacaq.
Konfransda Afrika ölkələri ədalətə və şəffaflığa çağırış ediblər. Konfransın natiqləri iqlim dəyişikliyi ilə bağlı qitənin üzləşdiyi problemin həlli üçün iqlim maliyyəsi, zərər və ziyan, ədalətli keçid, adaptasiya, şəffaflıq və hesabatlılıq, mənfi təsirlərin azaldılması kimi tələblərini səsləndiriblər. Afrikanın spesifik ehtiyaclarını və şərtlərini tanımaq kimi istəklərini bildiriblər.
Qeyd olunub ki, COP29-da Afrika özünü müşahidəçi kimi, ədalət və möhkəmliyə əsaslanan gələcəyə dair aydın və cəsarətli baxışı olan bir qitə kimi təqdim edə bilməz. Bu tələblər təkcə ağlabatan deyil, həm də iqlim dəyişikliyinin ən pis təsirlərinin qarşısını almaq üçün vacibdir.
