İyirmi iki yaşım var və ilk dəfədir ki, seçkilərdə iştirak edirəm. Bir yandan həyəcanlı, bir yandan da qürurluyam. Builki seçkilər əvvəlkilərdən tam fərqlənir. Çünki bütöv Azərbaycan olaraq öz konstitusion hüquqlarımızdan istifadə edirik. Bizə bu gözəl hissləri yaşadan şəhidlərimizə, qazilərimizə, Azərbaycan Ordusunun qəhrəman hərbi qulluqçularına borcluyuq.
Bunu müsahibəsində ilk dəfə seçkilərdə iştirak edən Əli Əlizadə deyib.
"Mən Astara rayonunda qeydiyyatdayam. Azərbaycan Memarlıq və İnşaat Universitetində magistr pilləsində təhsil alıram. Semestr imtahanlarına görə Astaraya gedib səs verə bilməyəcəkdim. Seçkilərdə iştirak etmək üçün qeydiyyatdan çıxma vərəqəsi aldım və paytaxtda səs vermək hüququ əldə etdim. Bu gün də öz hüququmdan yararlandım. Fevralın 7-si mənim üçün yaddaqalan bir tarix olacaq", - deyə gənc seçici deyib.