Gələn ildən bütün vəkil orderləri elektron qaydada tətbiq olunacaq.
Bu sözləri Vəkillər Kollegiyasının sədri (VK) Anar Bağırov “Elektron vəkil orderi” və digər elektron xidmətlərin ictimaiyyətə təqdimatı zamanı söyləyib.
A.Bağırov bildirib ki, insanlara çox önəmli olan, keyfiyyətli hüquqi yardım göstərən və beləliklə, dövlətin üzərinə götürdüyü öhdəliklərin birbaşa icrasında iştirak edən vəkillik üçün elektron xidmətlərdən istifadə hazırda ən prioritet məsələlərdən biridir. Vəkillər Kollegiyası son illərdə vəkillikdə bütün müasir tələblərə cavab verən prosesi qurmaq istiqamətində addımlar atır: “Əvvəllər vəkil orderləri kağız daşıyıcısı üzərindən təqdim edilib. Hazırda isə “Elektron vəkil orderi” layihəsinin davamı kimi “Elektron vəkil sorğusu” layihəsi üzərində işlər yekunlaşmaqdadır. Müasir texnologiya vəkillərin heç bir problem olmadan müştəri ilə müqavilə bağlamasına imkan verir”.