Fövqəladə Hallar Nazirliyinin (FHN) “112” qaynar telefon xəttinə Şəmkir rayonunda yerləşən istixana kompleksində yanğın baş verməsi barədə məlumat daxil olub.
Nazirliyin mətbuat xidmətindən bildiriblər ki, məlumatla əlaqədar dərhal əraziyə FHN-in Dövlət Yanğından Mühafizə Xidmətinin Şəmkir rayon Yanğından Mühafizə Hissəsinin yanğınsöndürənləri cəlb olunub.
Hadisə yerində əməliyyat şəraiti qiymətləndirilərkən yanğının vətəndaşa məxsus hər birinin sahəsi 120 kvadratmetr olan 8 istixananın ərazisində baş verdiyi və yayılma riskinin yüksək olduğu müəyyən edilib.
FHN qüvvələrinin çevik müdaxiləsi sayəsində istixanada baş verən yanğının genişlənməsinə, o cümlədən ətraf ərazilərə yayılmasına imkan verilmədən qısa müddətdə söndürülüb.
Yanğın nəticəsində istixananın ərazisində yerləşən mazut çəninin içərisində 10 ton mazutun 5 tonu, 3 istixananın polietilen üzlükləri 150 kvadratmetr sahədə, ətrafda toplanmış məişət və taxta tullantıları 100 kvadratmetr sahədə yanıb.
İstixana kompleksinin böyük hissəsi və 5 ton mazut yanğından mühafizə olunub.