MOK rəsmisi: Cüdo məşqçiləri üçün bu cür imtahanların keçirilməsi müsbət addımdır
İDMAN
MOK rəsmisi: Cüdo məşqçiləri üçün bu cür imtahanların keçirilməsi müsbət addımdır
05.02.2024 [13:54]
"Azərbaycanlı cüdo məşqçiləri üçün bu cür imtahanların keçirilməsi müsbət addımdır".
Bu sözləri Milli Olimpiya Komitəsinin beynəlxalq proqramlar idarəsinin rəhbəri Mehman Kərimov MOK-un Azərbaycan Cüdo Federasiyası ilə birgə təşkil etdiyi Beynəlxalq Cüdo Federasiyasının Akademiyasının məşqçilik və sertifikat proqramının açılış mərasimindən sonra jurnalistlərə açıqlamasında deyib.
O, məşqçilik kurslarını ötən ilin fevralında da uğurla təşkil etdiklərini bildirib: "Artıq ikinci dəfədir məşqçilər üçün kurslar keçirilir. Əsas məqsəd beynəlxalq yarışlara tam cavab verən cüdo məşqçiləri yetişdirməkdir. Beynəlxalq Olimpiya Komitəsinin tələbinə əsasən, bu cür kursların tərkibi əlli faiz kişilərdən, əlli faizi isə qadınlardan ibarət olmalıdır. İnanıram ki, növbəti seminarlarda qadın məşqçilərimiz də burada çoxluq təşkil edəcəklər".
M.Kərimov cüdoçuların bu il keçiriləcək “Paris-2024” Yay Olimpiya Oyunlarında uğur qazanacağına ümid etdiyini söyləyib: "Biz bundan əvvəlki beynəlxalq yarışlarda cüdoçulardan uğurlu nəticələr görmüşük. İnanıram ki, bu dəfə də onlar Azərbaycan Bayrağını ucaldacaqlar".
