FIFA qadın futbolçulardan ibarət milli komandaların yeni reytinq cədvəlini açıqlayıb.
AZƏRTAC ali futbol qurumunun rəsmi saytına istinadən xəbər verir ki, Azərbaycan yığmasının siyahıdakı mövqeyində dəyişiklik olub. Siyasət Əsgərovun başçılıq etdiyi kollektiv 1305.48 xalla iki pillə irəliləyərək 76-cı sıraya yüksəlib.
Qeyd edək ki, UEFA Millətlər Liqasının C divizionunda Kipr, Monteneqro və Farer adaları birlikdə eyni qrupda mübarizə aparan yığma 5 qələbə və 1 heç-heçə ilə B Liqasına vəsiqə qazanıb.