Taha Ayhan: Məqsədimiz Şuşanın azad olunma hekayəsini bütün dünyaya çatdırmaqdır
Bu sözləri İslam Əməkdaşlıq Təşkilatı (İƏT) Gənclər Forumunun prezidenti Taha Ayhan "Şuşa İƏT Gənclər Paytaxtı - 2024" mövzusunda keçirilən mətbuat konfransında deyib.
Qurumun rəhbəri bildirib ki, Şuşa bütün Türk dövlətləri üçün xüsusi əhəmiyyət kəsb edir: "İnanıram ki, "Şuşa İƏT Gənclər Paytaxtı - 2024” çərçivəsində təşkil olunacaq tədbirlər dünya gənclərinə stimul verəcək".
Qeyd edək ki, Şuşa ötən il noyabrın 10-da İƏT Gənclər Forumu İcraiyyə Şurasının İstanbulda keçirilən 11-ci iclasında 2024-cü il üçün “Gənclər paytaxtı” seçilib.
