Qərbi Azərbaycan İcmasının Gənclər Birliyi sədrinin müavini, Milli Məclisin deputatı Kamal Cəfərov Ümumdünya İnsan Hüquqları Bəyannaməsinin qəbul edilməsinin 75-ci ildönümü münasibətilə dekabrın 11-12-də İsveçrənin Cenevrə şəhərində keçirilən yüksək səviyyəli tədbirdə İcmanı təmsil edir.
İcmadan bildiriblər ki, tədbir çərçivəsində müzakirələrdə iştirak edən K.Cəfərov Ermənistandan azərbaycanlıların qovulması haqqında məlumat verib, onların qayıdış hüququnun təmin edilməsinin Ümumdünya İnsan Hüquqları Bəyannaməsinin tələbi olduğunu vurğulayıb. O, İcmanın Qayıdış Konsepsiyası barədə məlumat verərək, Ermənistanın Qərbi azərbaycanlılara qarşı törətdiyi hüquq pozuntularının aradan qaldırılması, xüsusilə qayıdış hüququnun təmin edilməsi sahəsində BMT-nin insan hüquqları qurumlarının dəstəyinə və əməkdaşlığına ümid etdiyini bildirib.
Milli Məclisin deputatı Kamal Cəfərov tədbir zamanı, həmçinin BMT-nin və bir sıra üzv dövlətlərin nümayəndələri ilə görüşüb.