Bakıda Muzey Mərkəzində rəssam Vədud Müəzzinin əsərlərinin mahiyyətində meşələrin gözəlliyini, atların ruhunu, insan portretlərinin dərinliyini və Azərbaycanın valehedici mənzərələrini əks etdirən "Mistik aləmlər" adlı 40 əsərdən ibarət sərgisi açılır.
Bu, rəssamın Muzey Mərkəzinin qalereyasında 4-cü sərgisi olacaq.
Birincisi 2013-cü ilin noyabrında, ikincisi 2018-ci ilin mayında, üçüncüsü isə 2019-cu ilin mayında keçirilib.
Vədud Müəzzin 1960-cı ildə İranın Ərdəbil şəhərində anadan olub. Uşaqlıqdan rəssamlığa olan marağı ilə öz bacarıqlarını inkişaf etdirərək dünya üzrə bir çox sərgilərdə öz əsərlərini təqdim edib.
Amerika (Kaliforniya), Kanada və Avropa (Müniх və Paris) kimi şəhərlərdə solo və grup sərgilərdə iştirak edərək, dünya ərazisində sənət inkişafına töhfələr bəxş etmişdir.
Onun Azərbaycandaki ilk sərgisi 2002ci ildə ulu öndər Heydər Əliyevin dəstəyi və iştirakı ilə Bakıda təşkil olunub. O, sənət sahəsində öyrətmə fəaliyyətləri də göstərib və rəsmləri ilə birgə bir çox gözəl heykəllər də yaratmışdır.
Onun kətanında, əsrarlı meşələr, titrəşən yarpaqlar və nağıllı işıqla təbiətin sehri canlanır. Meşənin əhatəsində bizə nağıllar danışdığı, hər fırçasında sirrlərin pıçıldadığı bir dünyaya dəvət edir.
Üsyankar atlar Müəzzinin sənətinin ayrılmaz parçası, onların əbədi zərifliyi və əhilləşdirilməmiş canlılığı onun fırça vuruşlarında mükəmməl bir şəkildə təzahür edir, və bizi vahşi təbiətin əsasında səyahət etməyə çağırır.
Müəzzinin portretlərində insan ruhu çılpaqlaşır, hər baxışı danışılmamış hekayələr daşıyır, hər bir fırça vuruşu insan təcrübəsinin mürəkkəb qobelenini açır. Bu təsvirlər bizi öz hekayələrimizi araşdırmağa və varlığın dərin gözəlliyini düşünməyə dəvət edir.
Vədud Müəzzin gözəllik və mədəniyyət vasitəçisi olan fırçası ilə, Azərbaycan kəlağayısını gözəl Azərbaycan qadınının üzünə yumşaq bir şəkildə sığallayır. Kəlağayı onu zərifliklə bəzəyir, onun sonsuz zərifliyini pıçıldayır. Burada kəlağayı təkcə parça deyil, Azərbaycanın davamlı ruhunun canlı sübutudur.
"Mistik aləmlər" sizi həyatın ən dərin elementlərinin canlı qobelenini yaradan dünyaya dəvət edir. Müəzzinin fırçası sehrli çubuq kimi bizi adi olanı aşmağa və sehirli olanı qucaqlamağa səsləyir, ruhumuzu təbiətin poeziyasını axtarışa çağırır. İncəsənətin natiqliyi ilə təbiətin gözəlliyinin mükəmməl birləşdiyi bu valehedici aləmə addım atın və Vədud Müəzzinin əsərləri ilə ruhunuzu sehrin hökm sürdüyü və təbiətin möcüzələrinin üzə çıxdığı yerə çatdırın.